رأيك يهمنا

السلام عليكم

يا جماعة أنا منتظر رأيكم في المدونة اللي هاحاول أقول فيها حاجة كويسة ومختلفة ، طالب من الله ولا يكتر على الله إنكم تشرفوني وتزوروا المدونة بتاعتى وتكتبوا تعليقاتكم كمان عليها ، وبمنتهى الصراحة والديمقراطية ، انتم عارفين لا نحجر على رأى أي حد ، إنما لو نفسك راحت على إنك تشتمني مثلا أو تقول إن المدونة وحشة ولا مش عجباك ولا حاجة متزعلش منى بقى - تفعيلا للديمقراطية - هاروح شايل التعليق واحتمال اشيل المدونة كلها وامنع أي حد يدخل عيها ، إنما لو ربنا هداك وقلت إنها حلوة أو مش بطالة أو كويسة أو بارك الله فيك ونفع بك وبمدونتك فهذا أمر جيد ، ولاحظتم طبعا إني سايب لكم الحرية في اختيار التعبير اللي تعبروا فيه عن رأيكم في المدونة ، وهذه قمة الديمقراطية .

بالظبط زى اللي بيعمله الحزب الوطني في الانتخابات .. هو عارف إن الناس ملهاش
نفس تروح الانتخابات وتعطل روحها فهو بيروح موصى ناس تانية إنهم يصوتوا بالنيابة عنهم ويقولوا إن الانتخابات آخر تمام .

عموما ... أنا في انتظاركم على مدونتي " ورقة وقلم " بس ما تعملوش زى حالاتي وتتأخروا !!!!!!!!!!!